Avokatët sërish bojkotojnë seancën e gjyqit ndaj Ilir Beqajt

Avokatët kanë munguar sërish në seancën e GJKKO-s për gjyqin ndaj ish-ministrit të Shëndetësisë, Ilir Beqaj, për dosjen e Sterilizimit. Mungesa e tyre vjen pavarësisht vendimit të Gjykatës Administrative të Apelit, e cila pezulloi vendimin e Dhomes së Avokatëve për bojkotimin e seancave në shkallën e parë të GJKKO-së.

Në seancën ishte i pranishëm vetëm Ilir Beqaj, i cili deklaroi se kishte komunikuar me avokatët e tij dhe se ata i kishin bërë të ditur se po prisnin një vendim nga Dhoma e Avokatëve.

Gjykata e konsideroi të paligjshme mungesën e mbrojtësve ligjorë, por vendosi shtyrjen e seancës për më 10 nëntor, në orën 11:30.