"Spanja: Mbi 900 efektivë në terren, policia vijon identifikimin e viktimave përmes ADN-së"
Në Spanjë, mbi 900 efektivë janë angazhuar në operacione të emergjencës për të identifikuar viktimat e një aksidenti hekurudhor që ka shkaktuar vdekjen e 69 njerëzve. Autoritetet spanjolle kërkojnë një hetim të plotë për të përcaktuar shkaqet e aksidentit dhe ofrojnë mbështetje psikologjike për familjarët dhe personat që janë prekur.
Përfaqësuesi i qeverisë spanjolle, Domenec Ruiz Devesa, ka bërë thirrje për përgjegjësi dhe transparencë pas aksidentit. Ai ka theksuar se ngjarja nuk lidhet domosdoshmërisht me një mungesë të përgjithshme investimesh në rrjetin hekurudhor spanjoll. Devesa ka nënvizuar nevojën për një rishikim teknik dhe të politikave të sigurisë pas tragjedisë.
Kryeministri spanjoll, Pedro Sanchez, ka bërë të ditur se në zonën e prekur janë ngritur qendra asistence për të mbështetur familjarët e viktimave dhe personat e prekur nga aksidenti. Ai ka vlerësuar punën e ekipeve të shpëtimit dhe ka siguroi se qeveria po punon intensivisht për të zbardhur shkaqet e aksidentit.
Një zëdhënës i Guardia Civil ka thënë se në operacion janë angazhuar mbi 900 persona nga departamente të ndryshme të specializuara. Familjarëve që kanë të afërm të zhdukur u është bërë thirrje të paraqiten në qendrat e posaçme të ngritura në zonë, ku mund të japin mostra të ADN-së për të ndihmuar në identifikimin e viktimave.