Aksident në Librazhd, katër automjete përplasen dhe tre persona marrin ndihmë mjekësore

Një aksident rrugor ka ndodhur këtë enjte në zonën e Dragostunjës, në aksin Librazhd-Prrenjas, ku katër automjete janë përplasur me njëra-tjetrënë. Sipas informacioneve paraprake, nga përplasja kanë mbetur të plagosur tre persona, dy drejtues automjetesh dhe një pasagjer. Të lënduarit janë transportuar në spital për të marrë ndihmë mjekësore. Burimet paraprake bëjnë me dije se të tre ndodhen jashtë rrezikut për jetë. Autoritetet po hetojnë për të përcaktuar shkaqet dhe rrethanat e aksidentit.