Këshilli Bashkiak dhe opozita kërkojnë shpjegime për transferimin e Veliaj në Fier

Këshilli Bashkiak i Tiranës u mbajt sot për miratimin e listës së 1500 aplikuesve të shpallur fitues të programit social për subvencionimin e interesave të kredive për blerjen e banesave në kryeqytet. Gjatë diskutimeve, situata e Veliaj u trajtua dhe këshilltarët socialistë dhe demokratë ngritën shqetësim për kushtet e mbajtjes së kryebashkiakut.

Këshilltari socialist Halit Valteri kërkoi që çështja të diskutohet zyrtarisht në Këshillin Bashkiak dhe shprehje shqetësim për raportimet mbi kushtet e paraburgimit të kryebashkiakut. Ai tha se Veliaj gëzon prezumimin e pafajësisë dhe të drejtave kushtetuese, pavarësisht masës së sigurisë.

Edhe këshilltari demokrat Dorjan Teliti ngriti pyetje mbi mënyrën se si është kryer transferimi dhe përdorur tone të ashpra ndaj institucioneve. Ai tha se Këshilli Bashkiak nuk ishte informuar për lëvizjen e Veliaj dhe se këshilltarët e kishin mësuar lajmin nga mediat.

Ndërkohë, këshilltari Fabian Topollaj theksoi se, pavarësisht marrëdhënies politike apo personale me Veliaj, këshilltarët kanë detyrim të kërkojnë informacion për situatën e tij. Ai tha se Gjykata Kushtetuese e ka lënë atë në detyrë dhe se kanë detyrim të themi çfarë ndodh me të që është i izoluar dhe nuk ushtron dot detyren e tij.

Ndërkohë, këshilltari Ilda Zhulali akuzoi ministrin e Drejtësisë, Toni Gogu, se kishte urdhëruar transferimin e Veliaj në Fier për shkak të një postimi në Facebook lidhur me zhvillimet politike në Serbi. Ajo e zgjeroi diskutimin edhe te protestat në Tiranë dhe kërkoi dorëheqjen e kryeministrit Edi Rama, hetimin e dhunës së pretenduar policore dhe ndalimin e përdorimit të gazit lotsjellës në zonat e banuara.