OPERACIONI MASIV I INTERPOLIT NË AFRIKË: ARRESTUAN MBI 1400 PERSONA PËR MASHTRIM

Operacioni "Serengeti III" u zhvillua nga 29 qershori deri më 31 gusht 2026 dhe kishte si synim luftimin e mashtrimeve në internet, sulmeve me programe zhvatese (ransomware), vjedhjen e komunikimeve elektronike të kompanive dhe shantazhet digjitale. Sipas njoftimit të Interpolit, autoritetet arritën të ndërprisnin funksionimin e 10,909 rrjeteve dhe infrastrukturave keqdashëse, ndërsa u identifikuan 65,929 viktima të krimit kibernetik.

Një nga operacionet më të mëdha u zhvillua në Ugandë, ku policia shkatërroi dy rrjete ndërkombëtare mashtrimi në internet dhe arrestoi 365 shtetas të huaj. Këto organizata kishin ngritur një skemë për të mashtruar qytetarët në vendet aziatike, duke përdorur platforma të rreme investimi dhe faqe interneti mashtruese.

Në Angolë, autoritetet zbuluan dy qendra të paligjshme për nxjerrjen e kriptomonedhave dhe arrestuan dy të dyshuar. Gjatë operacioneve u sekuestruan më shumë se 2,000 pajisje për nxjerrjen e kriptomonedhave, si dhe gjashtë nenshtacione të paligjshme të transformimit të energjisë elektrike. Vetëm vlera e instalimeve elektrike të sekuestruara kalonte një milion dollarë.

Në Nigeri u vjedhën 2.1 milionë adresa email-i, ndërsa u arrestua një i dyshuar që qëndronte pas një operacioni të madh për vjedhjen e të dhënave personale përmes phishing-ut dhe mashtrimeve me email-et e biznesit. Hetuesit zbuluan se ishin mbledhur rreth 2.1 milionë adresa email-i, ndërsa ishin vjedhur edhe të dhëna për hyrjen në programe kompjuterike.

Në një tjetër rast në Nigeri, autoritetet arrestuan një person që dyshohet se ishte i përfshirë në një rrjet ndërkombëtar mashtrimi me investime, përmes aplikacioneve të komunikimit. Hetimi financiar zbuloi qarkullimin e më shumë se 2.4 milionë dollarëve me origjinë të dyshimtë, një pjesë e madhe e të cilave dyshohet se ishte pastruar përmes transaksioneve me kriptomonedha.

Operacionet nuk u kufizuan vetëm në vendet e përmendura, por u shtrinë edhe në shtete të tjera afrikane, ku u zbuluan forma të ndryshme të krimit digjital. Në Tanzani u shkatërrua një rrjet që përdorte një aplikacion keqdashës për dhënien e kredive përmes telefonave cellulare. Ndërkohë, në Gabon autoritetet ndërprënë veprimtarinë e një rrjeti që mashtronte qytetarët përmes rrjeteve sociale, duke u premtuar importimin e automjeteve. Në Republikën e Kongos u arrestuan 30 të dyshuar të lidhur me një çështje të krimit kibernetik.

Interpoli thekson se inteligjenca artificiale po përdoret gjithnjë e më shumë nga rrjetet kriminale, duke lehtësuar krijimin e përmesve mashtruese dhe kryerjen e sulmeve të sofistikuara në internet.