AKEP, me rregullore të re: Çfarë përfitojnë konsumatorët

Bordi i Autoritetit të Komunikimeve Elektronike dhe Postare ka miratuar ndryshime në kuadrin rregullator për mbrojtjen e konsumatorëve duke autorizuar testimin e teknologjisë satelitore Direct-to-Device (D2D - IMT). Rregullorja e re përfshin risi për përdoruesit e telefonisë celulare: vlefshmëria e kartës SIM do të jetë 12 muaj, afati minimal për kredinë monetare do të jetë 180 ditësh, mundësia rimbushjeje me vlera të ulëta, si dhe të drejta për të kërkuar rimbursimin e kreditit monetar të papërdorur kur numri portohet te një operator tjetër. Po ashtu, parashikohet më shumë transparencë për tarifat dhe ruajtjen e numrit celular për të paktën 12 muaj pas aktivizimit. Nga 1 janari 2027, nuk do të lejohen klauzola që parashikojnë rritje automatike të tarifave mujore në përqindje ose sipas indekseve të ndryshueshme, përfshirë Indeksin e Çmimeve të Konsumit (IÇK), kur vlera konkrete e tarifës së ardhshme nuk është përcaktuar në momentin e lidhjes së kontratës. Masat do të zbatohen sipas afatave të përcaktuara në rregullore, duke nisur nga data 1 janar 2027.