Marash Kumbulla ndihmon Rayo Vallecanon të kualifikohet në Kupën e Mbretit

Pas më shumë se dy muajsh pritje, Marash Kumbulla ka zbritur në fushë me fanellën e Rayo Vallecanos. Mbrojtësi i Kombëtares shqiptare ka nisur aventurën e tij në Spanjë me një paraqitje pozitive, duke lënë gjurmë në ndeshjen e parë zyrtare.

Rayo Vallecano ka siguruar kualifikimin në Kupën e Mbretit, pasi mposhti Recreativo Huelva me rezultatin 3-2 pas kohës shtesë. Në një takim të luftuar deri në fund, Kumbulla ishte protagonist, duke fituar një penallti në pjesën e parë dhe duke ndihmuar skuadrën e tij të rikthehej në lojë.

Ishte pikërisht mbrojtësi shqiptar ai që fitoi penalltinë që solli edhe përgjigjen e kundërshtarit Roan Riera. Ky episod rezultoi vendimtar për rrjedhën e takimit, me Rayo Vallecanon që përfitoi për të barazuar përkohësisht shifrat në 1-1.

Por Kumbulla nuk u dallua vetëm në këta aksion. Futbollisti kuqezi ishte pranë golit me një goditje të rrezikshme në pjesën e parë, ndërsa në repartin defensiv tregoi siguri dhe vendosmëri në duel me kundërshtarët. Ai qëndroi në fushë deri në minutën e 80-të, duke dhenë sinjale premtuese në debutimin e tij.

Për mbrojtësin shqiptar, kjo paraqitje vjen pas një periudhe të vështirë pritjeje. I huazuar nga Roma te Rayo Vallecano gjatë verës, Kumbulla u pengua nga problemet fizike që e mbajtën larg fushave në javët e para të sezonit.

Tashmë, pritja ka marrë fund dhe shqiptari ka bërë hapin e parë me skuadrën madrilene. Me këta nisje pozitive, Kumbulla synon të fitojë besimin e trajnerit dhe më shumë minuta në dispozicion, për të u shndërruar në një nga pikat e forta të mbrojtjes së Rayo Vallecanos.