"Incident i sigurisë kibernetike" publikohen të dhënat e efektivëve të ICE-it në SHBA

Të dhënat e publikuara përfshijnë emra, adresa pune, numra telefoni dhe përshkrim të detyrës së punonjësve të ICE-it dhe Agjencisë së Doganave dhe Mbrojtjes së Kufirit të SHBA. Mbi 21 mijë persona punojnë për CBP, ndërsa rreth 6,600 janë pjesë e ICE-it.

Në publikim përfshihen edhe informacione për operacionet e padeklaruara më parë dhe teknologjitë e përdorura nga agjencitë. Të dhënat u publikuan në një platformë të quajtur "Icepick", me ndihmën e studiueses së sigurisë kibernetike Maia Crimeë dhe platformës Distributed Denial of Secrets (DDoSecrets).

DHS-ja konfirmoi se është në dijeni të shkeljes së mundshme dhe se po punon për ta trajtuar rastin, duke theksuar se siguria e punonjësve mbetet prioritet.

Incidenti vjen në një kohë kur operacionet e imigracionit në SHBA po përballen me kritika dhe kundërshtim publik, ndërsa administrata e Donald Trumpit ka zgjeruar arrestimet dhe dëbimet.