Helikopteri ushtarak rrezohet në Bosnjë-Hercegovinë, tre viktima dhe 12 të plagosur

Një helikopter ushtarak italian i tipit CH-47, i angazhuar në misionin paqeruajtës të Bashkimit Evropian, EUFOR Althea, është rrëzuar në Bosnjë-Hercegovinë, në zonën e Brčkos. Ekipet e emergjencës kanë ndërhyrë menjëherë në vendngjarje, ndërsa shkaqet e aksidentit mbeten ende të paqarta.

Sipas kryetarit të qytetit të Brčkos, Siniša Milić, bilanci paraprak i aksidentit është tre viktima dhe 12 të plagosur. Komanda e EUFOR-it ka konfirmuar se disa pjesëtarë të misionit kanë humbur jetën, ndërsa të tjerët kanë mbetur të plagosur rendë. Identiteti i personave të përfshirë dhe rrethanat e sakta të rrëzimit pritet të bëhen të ditura pas verifikimeve zyrtare.

Ministria italiane e Mbrojtjes ka bërë të ditur se ekipet e shpëtimit kanë ndërhyrë menjëherë, por për momentin nuk ka dhëna të tjera për gjendjen e personelinë e bord. Ndërkohë, EUFOR ka nisur një hetim të plotë për të përcaktuar shkaqet e aksidentit, i cili ndodhi gjatë një operacioni rutinë në zonën e Brčkos, në verilindje të Bosnjë-Hercegovinës.

Kryeministrja italiane Giorgia Meloni dhe ministri i Jashtëm Antonio Tajani kanë shprehur ngushëllimet për viktimat dhe solidaritetin me familjet e tyre dhe personelin e forcave të armatosura.