Egnatia triumfon në Superiore, Teuta humbet dhe zbret në vendin e dytë

Egnatia triumfon në Superiore, duke mposhtur Teutën me rezultatin minimal 1-0. Kampionët në fuqi bënë goditjen e madhe në Rrogozhinë dhe marrën kreun e renditjes, duke shkaktuar durrsakëve humbjen e parë sezonale. Pjesa e parë dhuroi raste dhe momente të rrezikshme nga të dyja skuadrat, por asnjëra nuk arriti të gjente rrugën e rrjetës. Mungesa e golave e la gjithçka të hapur për fraksionin e dytë, ku Egnatia do të gjetonte momentin vendimtar.

Megjithatë, pjesa e dytë nisi me një moment tronditës për vendasit. Eljon Sota pësoi një demtim të rendit dhe u largua nga fusha me ambulanca, mes lotësh, duke lënë pas një skenë shqetësuese. Goli që vendosi fatin e takimit erdhi në minutën e 68-të. Pas një kundërsulmi të shpejtë të Egnatias dhe asistit të Grudes, Daniel Adjessa u tregua i saktë, duke dërguar topin në rrjetë me një goditje të bukur me të djathtën. Ky gol rezultoi vendimtar, pasi shifrat nuk ndryshuan deri në vërshtelljen përfundimtare. Egnatia feston një fitore me peshë të madhe dhe ngjitet në krye të Abissnet Superiore me 21 pikë. Nga ana tjetër, Teuta pëson humbjen e parë të sezonit dhe zbret në vendin e dytë me 20 pikë, vetëm një pikë larg kampionëve.