Turqia mohon akuzat për ndërhyrjen në zgjedhjet izraelite

Qendra për Luftën Kundër Dezinformimit e Presidencës Turke ka mohuar kategorikisht akuzat për ndërhyrjen e Turqisë në zgjedhjet izraelite, duke i quajtur ato një fushatë të qëllimshme dezinformimi që synon manipulimin e opinionit publik.

Në një deklaratë të lëshuar në përgjigje të raporteve të mediave ndërkombëtare, Turqia i hedh poshtë plotësisht akuzat. "Akuzat që u shfaqën në disa media dhe platforma të mediave sociale ndërkombëtare, sipas të cilave 'Turqia ndërhyri në zgjedhjet izraelite', janë plotësisht të pabazë", tha ajo.

Njoftimi gjithashtu e karakterizon informacionin përkatës si pjesë të një përpjekjeje të organizuar për të mashtruar opinionin publik, duke u bërë thirrje qytetarëve që të mos e konsiderojnë atë të besueshëm.

"Këto akuza janë pjesë e një fushate të qëllimshme dhe të hapur dezinformimi, që synon manipulimin e opinionit publik. Ne i bëjmë thirrje fuqimisht publikut të mos besojë lajme dhe akuza të tillë të rreme që synojnë ta mashtruarë atë", thuhet në deklaratë.