"Buxheti pa prioritete dhe pa stimuj për ekonominë, kritika e Tabakut ndaj qeverisë"

Deputetja e Partisë Demokratike, Jorida Tabaku, ka ngritur shqetësimet e saj lidhur me buxhetin e vitit 2027, duke e cilësuar atë si një buxhet me taksa të larta, që nuk ofron stimuj për zhvillimin ekonomik dhe nuk përçakton qartë sektorët prioritare. Tabaku deklaroi se rritja e vlerës së buxhetit vjen si pasojë e rritjes së taksave, ndërsa kritikoi mënyrën se si qeveria ka orientuar politikat ekonomike.

"Buxheti që ka prezantuar qeveria, vlera e buxhetit vjen si pasojë e rritjes së taksave. Nga këto 13 vite të gjitha faturat e tenderëve apo koncensioneve 50% e saj është në hetim. Është një buxhet që nuk tregon se ku janë stimujt e ekonomisë. Kemi Bujqësinë që ka 6 vite me një rënje ekonomike. Kemi fondet e IPARD që i mungojnë bujqësisë. E njëjta gjë edhe me faktorin fason, me faktorin prodhues. Sot të gjitha dhomat e tregtisë, shoqatat kanë reaguar duke thënë se është paketë antibiznes. Të gjitha këto nxisin pasigurinë e biznesit, mbylljen, largime masive. Masa më e rrezikshme është goditja që i bëhet shtresës së mesme", tha Tabaku.

Sipas saj, bujqësia dhe sektori prodhues vijojnë të përballet me vështirësi, ndërsa mungesa e fondeve IPARD ka ndikuar negativisht në mbështetjen e fermerëve. Tabaku theksoi se dhomat e tregtisë dhe shoqatat e biznesit kanë reaguar ndaj paketës fiskale, duke e cilësuar atë si një paketë "antibiznes". Sipas deputetes demokrate, politikat aktuale po shtojnë pasigurinë te sipërmarrjet, duke rrezikuar mbylljen e bizneseve dhe largimin e qytetarëve nga vendi.

Ajo e konsideroi vështirësisht shqetësuese barrën fiskale mbi shtresën e mesme, ndërsa akuzoi qeverinë se nuk ka një strategji të qartë për politikën e pagave. Deputetja e PD-së theksoi se ekonomia shqiptare ka nevojë për një strategji të re, e cila duhet të mbështetë te investimet në arsim, lidhjen e tyre me nevojat e tregut të punës dhe fuqizimin e sektorit prodhues.

"Është një dramë e madhe që puna nuk vlerësohet që puna mbitaksohet. Këtu vlerësohet vjedhja. Me Edi Rame nënë nuk ka garanci… Thesin e rrenave e ka për njerëzit, thesin e miliardave e ka për ata afër vetes. Sot ekonomia shqiptare ka nevojë për të tjetër strategji komplet tjetër. Duhej të investohet në arsim, ta lidhë me kërkesat që ka tregu i punës, dhe sektori prodhues. Ne jemi duke diskutuar të bejmë një propozim, biznesi duhet të ketë siguri, taksa që nuk ndryshojnë, ka një pasiguri të madhe juridike. Duhej të vendosen rregulla të sakta me kod fiskal dhe politikë pro biznes. Protesta na tregoi edhe një anë tjetër, njerëzore. 1 milionë të rinj të shoqëruar dhe arrestuar. Ekonomia, mllëfi pasiguria ekonomike, janë arsye që nxjerrin në protestë. Unë mendoj që nuk ka alternativë tjetër që të bashkohen rreth opozitës. Nuk ka zgjidhje tjetër që të jemi bashkë. Mendoj që PD duhet edhe të reflektojë edhe të hapet, ndaj shoqërisë, ndaj studentëve dhe që ky mllëf që ekziston të shkojë te kutia votimit. Protesta është edhe një mënyrë që gjërat t'i shohim më ftohtë. Ofertën opozitare ta bëjmë më përfaqësuese. Protesta tregoi që qeverisë iu dridhën këmbët. Dhe unë pashë momentin më të vështirë. Qeveria ka mbaruar ciklin e saj", tha ajo.

Media që s’e dorëzon pavarësine e saj, i paraprine një qeverisje te ndershme. Pamfleti është një platformë mediatike analitike që u “lind” si domosdoshmëri e një tribune pa kompromis, si një zë i fuqishëm në luftën pa ekuivok ndaj krimit dhe korrupsionit politik në Shqipëri.