Tragjedi në Athinë: Tres shqiptarë vdesin në shpërthim të gazit në një ndërtesë
Tres shqiptarë vdesin në një shpërthim të gazit në një ndërtesë në Athinë, Greqi. Dy shqiptarë dhe dy grekë janë arrestuar për të dyshuar se kanë shkaktuar shpërthimin duke vjedhur tubacionet e gazit.
Pas 34 ditësh hetime, autoritetet greke kanë zbardhur rrethanat e shpërthimit të gazit në një ndërtesë në zonën e Plakës, ku gjashtë persona humbën jetën, mes tyre tre shqiptarë. Dy shqiptarë dhe dy grekë janë arrestuar për të dyshuar se kanë shkaktuar shpërthimin duke vjedhur tubacionet e gazit natyror.
Detaje të reja kanë dalë në dritë nga shpërthimi tragjik në zonën e Plakës, në Greqi, ku gjashtë persona humbën jetën, mes tyre tre shqiptarë. Pas një hetimi 34-ditor, Drejtoria për Hetimin e Krimeve të Zjarrvënies pranë Sherbimit Zjarrfikës ka identifikuar dhe arrestuar tre persona, dy grekë dhe një shqiptar, të dyshuar si përgjegjës për ngjarjen.
Sipas të dhënave të hetimit, disa orë para shpërthimit, tre të dyshuarit iu afruan ndërtesës me qëllim vjedhjen e materialeve prej bakri. Dy prej tyre dyshohet se hynë brenda pallatit dhe u drejtuan drejt një shkalle të mbyllur, ku ndodheshin instalimet e gazit natyror. Gjatë përpjekjes për të shkëputur tubacionet, ata dyshohet se prenë një prej tubave të furnizimit, duke shkaktuar rrjedhje gazi.
Gazi natyror u përhap gradualisht në ambientet e ndërtesës dhe u grumbullua në katin e dytë, ku banonte një çifte të moshuarish. Hetuesit dyshojnë se shpërthimi ndodhi në momentin kur gruaja u ngrit dhe mund të ketë aktivizuar një çelës elektrik, duke shkaktuar ndezjen e gazit të grumbulluar. Megjithatë, ky mekanizëm mbetet një nga pistat që po shqyrtohen autoritetet.
Ndërkohë, janë publikuar edhe pamje të shpërthimit, ku dallohen flakët që përfshijnë njëkohësisht katet e sipërme dhe pjesën e poshtme të ndërtesës. Pamjet tregojnë përmasat e ngjarjes dhe përhapjen e zjarrit në disa nivele të pallatit.
Një tjetër detaj që ka dalë nga pamjet lidhet me një automjet që transportonte nxënës, i cili kishte kaluar pranë ndërtesës vetëm pak çaste para shpërthimit. Automjeti shihet në afërsi të pallatit, ndërsa koha e kalimit tij tregon se pasojat mund të kishin qenë edhe më të renda nëse do të ndodhej aty në momentin e shpërthimit.
Hetimet, të zhvilluara nën mbikëqyrjen e autoriteteve të prokurorisë, kanë çuar në identifikimin e tre të dyshuarve, të cilët akuzohen se hyrja e tyre në instalimet e gazit shkaktoi rrjedhjen që i parapriu tragjedisë.
Autoritetet po vijojnë procedurat për të percaktuar përgjegjësinë penale të secilit prej të arrestuarve, ndërsa zbulimet e fundit e lidhin shpërthimin me tentativën për vjedhjen e bakrit nga instalimet e ndërtesës.