Ronaldo shpërthen me tre gola dhe afron në 1000 golat e karrierës

Cristiano Ronaldo vazhdon të shkruajë historinë e futbollit. Një ditë pasi u vlerësua me çmimin B.O.A.T. (Ballon d’Or of All Time), portugezi festoi me një tregolësh në fitoren 5-3 të Al Nassr ndaj Al Kholood, duke iu afruar gjithnjë e më shumë një prej objektivave më të mëdhenj të karrierës së tij: arritjes së 1000 golave zyrtare.

Në moshën 41-vjeçare, ylli portugez tregoi edhe një herë se instinkti i tij për golin mbetet i paprekur. Me tri realizime në pjesën e dytë, ai vulosi suksesin e Al Nassr dhe e çoi në 985 numrin e golave të shënuar gjatë karrierës së tij në ndeshjet zyrtare. Tashmë i duhen vetëm 15 gola për të prekur një shifër historike, që do ta vendoste në një kategori më vete në futbollin botëror.

Ndeshja ndaj Al Kholood nuk nisi në mënyrën më të mirë për Ronaldon, i cili pa t'i anuloheshin dy gola në pjesën e parë. Por pas pushimit, portugezi mori gjithçka në dorë. Në minutën e 66-të, ai kaloi Al Nassr në avantazh pas një pasimi të João Félix. Vetëm gjashtë minuta më vonë, dyshja bashkëpunoi sërish, me Ronaldon që realizoi me kokë për golin e katërt të skuadrës së tij.

Tregolëshin e plotësoi në minutën e 81-të, kur përfitoi nga një pasim i Sadio Mané për të dërguar topin në rrjetë dhe për të vulosur fitoren 5-3. Një shpërthim prej vetëm 15 minutash, që e afron edhe më shumë me objektivin e tij madhor.

Fitorja erdhi në një moment të vëçantë për sulmuesin portugez, i cili një ditë më parë ishte nderuar me çmimin B.O.A.T., një vlerësim i bazuar në votimin e tifozëve për të përzgjedhur fituesin më të madh të Topit të Arteve të të gjitha kohërave. Ronaldo triumfoi përpara rivalit të tij të përgjithshëm, Lionel Messi, falë sezonit të jashtëzakonshëm 2007-2008 me Manchester United, kur fitoi Premier League-n dhe Champions League-n, duke shënuar 42 gola në të gjitha kompeticionet.

Mes një tjetër trofeu individual dhe një tregolësh vendimtar, Ronaldo vazhdon të sfidojë kohën. Shifra e 1000 golave nuk është një objektiv i largët, por një realitet që mund të bëhet gjithnjë e më i prekshëm nëse portugezi ruan këtë ritëm.