Klodiana Lala: Transferimi i Veliajt dhe Agasit nuk kanë lidhje me njëri-tjetrin

Gazetarja Klodiana Lala ka komentuar transferimin e Erion Veliajt dhe Ergys Agasit në burgun e Fierit, duke përmendur se nuk beson se dy lëvizjet janë të ndërlidhura. Ajo tha se transferimi i Agasit nuk ka lidhje me njëri-tjetrin dhe se ai duhet të ishte vendosur në një institucion paraburgimi të sigurisë së lartë për shkak të veprave penale për të cilat ai akuzohet dhe rrezikon një dënim të rendë. Lala theksoi se Agasi kishte edhe fuqi të konsiderueshme financiare, çka sipas saj, përbente një tjetër element që duhej të merrej në konsiderata gjatë përcaktimit të institucionit ku do të mbahet. Ajo rikujtoi gjithashtu episodin kur Agasi u zhduk për rreth pesë orë në ambientet e një tregu ushqimor në Elbasan dhe ngriti shqetësimet për sigurinë në burgun e Bradasheshit, ku, sipas saj, kanë ndikim grupe kriminale. Në këtë kontekst, gazetarja përmendi edhe organizatën kriminale të vëllezërve Çopja, për të cilën deklaroi se kishte arritur të kryente goditje edhe brenda këtij institucioni të vuajtjes së dënimit. Sa i përket aludimeve se transferimi i Agasit në Fier mund të jetë bërë për të kompensuar lëvizjen e Erion Veliajt, Lala u shpreh se nuk beson se dy transferimet kanë lidhje me njëri-tjetrin. Ajo këmbënguli se rasti i Agasit duhet të paraqitet në raport me akuzat që rendohen mbi të dhe problematikat e sigurisë që, sipas saj, duhej të ishin adresuar shumë më herët.