Grua plagoset me thikë në sy në Paris, sulmi i paprovokuar

Një grua u godit me thikë në Paris, ndërsa po ecte me vajzën e saj 6-vjeçare pranë shtëpisë së tyre. Sulmi ndodhi të enjten në mesditë, në Avenue Simon Bolivar, në kryeqytetit francez. Siç njoftoi zyra e prokurorit të Parisit, burri e kishte fytyrën pjesërisht të mbuluar. Ai iu afrua gruas, e kapi nga qafa dhe më pas e goditi me thikë në anën e djathtë të trupit të saj. Menjëherë pas sulmit, sulmuesi iku, ndërsa gruaja arriti të strehohej në një bar aty pranë, duke kërkuar ndihmë. Atje, dy kamerierë nxituan për ta ndihmuar gruan dhe njoftuan autoritetet. Përpara se të mbërrinin ekipet e shpëtimit, gruaja përshkroi çfarë ndodhi dhe dha informacionin e parë në lidhje me sulmuesin. Duket se ajo nuk dukej se e njihte burrin që e sulmoi. Deri më tani, autoritetet e prokurorisë nuk kanë vërtetuar ndonjë lidhje midis sulmuesit dhe viktimës. Një burim policor tha se mund të ketë qenë një sulm i paprovokuar, por motivi nuk është përcaktuar. Gruaja u dërgua në spital, por jeta e saj nuk është në rrezik. Policia po kërkon autorin dhe po heton rrethanat e sulmit.