Shkarkimi i gjenerali të lartë të Pentagonit për rrjedhjen e informacioneve sekrete

Gjenerali i lartë i Pentagonit, Brett Sylvia, u shkarkua pasi u akuzua për rrjedhjen e informacioneve sekrete mbi Ukrainën dhe Iranin. Ai pranoi se kishte nxjerrë informacione të klasifikuara për gazetarë të mediave të ndryshme.

Sipas një raporti të brendshëm hetimor, Sylvia ka pranuar se kishte nxjerrë informacione të klasifikuara për gazetarë të mediave të ndryshme, përgjatë një periudhe prej rreth një viti. Ai ka pranuar se kishte dështuar në katër teste me detektor gënjeshtre dhe se kishte rrjedhë informacionin pasi kishte dështuar në testet e poligrafit.

Sylvia, i cili mbante një nga pozicionet më të rëndësishme të planifikimit ushtarak në Pentagon, u shkarkua pak ditë më parë nga sekretari amerikan i Mbrojtjes, Pete Hegseth. Raporti i brendshëm thekson se gjenerali hasi vështirësi në disa teste të përsëritura me poligraf, ndërsa akuzohet për zbulim të paautorizuar të informacioneve për mediat.

Sipas raportit dhe zyrtarëve amerikanë, rrjedhja e informacioneve dyshohet se ka nisur që në qershor të vitit 2025, përpara se Pentagoni të vendoste kufizime për aksesin e mediave të mëdha në institucion. Kontaktet me gazetarët vijuan edhe pas vendosjes së këtyre kufizimeve, si përmes aplikacionit të komunikimit të enkriptuar Signal, ashtu edhe përmes një takimi personal në një restorant në Arlington të Virxhinias.

Gjenerali u tha hetuesve se nuk e mbante mend përmbajtjen e saktë të komunikimit, por vlerësonte se ai lidhej me Iranin. Ai pretendoi se nuk iu përgjigj mesazhit dhe vendosi ta fshinte. Megjithatë, gjatë këtij procesi, sipas tij, fshiu gabimisht të gjithë bisedën me gazetarin. Si pasojë, nga telefoni i tij personal u zhdukën jo vetëm mesazhet, por edhe regjistrat e telefonatave të kryera përmes Signal.

Shkarkimi i Sylvia-s është episodi më i fundit në përpjekjet e drejtuesve të Pentagonit, nën udhëheqjen e Pete Hegseth, për të frenuar rrjedhjen e informacioneve drejt mediave. Në korrik, Departamenti i Mbrojtjes njoftoi krijimin e një grupi të përbashkët pune me Departamentin e Drejtësisë, me synimin për të identifikuar personat që nxjerrin informacione nga Pentagoni.