Demokratët Europianë: Kush e autorizoi përdorimin e forcës ndaj protestuesve dhe gazetarëve?
Partia Demokratike Europiane (PDE/EDP) ka reaguar ashpër ndaj qeverisë pas publikimit të një investigimi të BIRN mbi përdorimin e forcës nga policia gjatë protestave në Tiranë. Demokratët Europianë shprehin shqetësim serioz për dhunën e raportuar ndaj qytetarëve dhe përfaqësuesve të medias, duke theksuar se ngjarjet ngrenë pikëpyetje mbi besueshmërinë demokratike të Shqipërisë dhe respektimin e standardeve europiane.
Deklarata e Demokratëve Europianë shpreh shqetësim serioz për dhunën e raportuar ndaj qytetarëve dhe përfaqësuesve të medias, duke theksuar se ngjarjet ngrenë pikëpyetje mbi besueshmërinë demokratike të Shqipërisë dhe respektimin e standardeve europiane.
Hetimi i BIRN ngre pikëpyetje serioze për qeverinë e Edi Rama dhe besueshmërinë demokratike të Shqipërisë. Sipas raportimeve, të paktën 16 qytetarë janë plagosur nga predha kinetike gjatë protestave në Tiranë. Gjashtë gazetarë janë goditur gjithashtu, ndërsa një protestues i ri nga Elbasani, Erjon Vishkulli, ka rrezikuar të humbiste shikimin në njërin sy pasi u godit nga një plumb gome.
Një qeveri që synon një të ardhme europiane duhet të mbrojë të drejtën e protestës, të garantojë sigurinë e shtypit dhe të sigurojë që forca të përdoret vetëm brenda kufijve të ligjit. Kryeministri Rama dhe Ministria e Brendshme duhet të japin përgjigje të qarta. Një hetim i pavarur duhet të percaktojë çfarë ka ndodhur, kush e ka autorizuar përdorimin e forcës dhe si mund të parandalohet përsëritja e një dhune të tillë në të ardhmen.