Gianni Rivera: "San Siro po shkatërrohet për asgjë, duhej të mbante emrin Rivera-Mazzola"
Legjenda e Milanit, Gianni Rivera, ka dalë kundër projektit për ndërtimin e stadiumit të ri në Milano dhe vendimit për të shembur mitikun "San Siro". Rivera ka deklaruar se stadiumi aktual është ende i përshtatshëm për të luajtur dhe se shembja e tij do të kthen shpinën historisë së futbollit italian.
Gianni Rivera, legjenda e Milanit, ka dalë kundër projektit për ndërtimin e stadiumit të ri në Milano dhe vendimit për të shembur mitikun "San Siro". Në një intervistë për gazetën italiane "La Repubblica", Rivera nuk ka kursyer kritikat, duke e cilësuar vendimin si të pajustifikueshëm, që, sipas tij, kthen shpinën historisë së futbollit italian.
"San Siro është një monument për qytetin e Milanos dhe stadiumi aktual është ende i përshtatshëm për të luajtur. Po e shembin për të hapur rrugën diçka që nuk ka asnjë arsye të ekzistojë. Më vjen keq për atë që e mori këtë vendim", deklaroi Rivera.
Por kritikat e tij nuk ndalen vetëm te shembja e stadiumit legjendar. Ish-futbollisti ka thumbuar edhe komercializimin e futbollit modern, veçanërisht prirjen për t'u vënë stadiumeve emra sponsorësh, duke lënë në hije figurat që kanë shkruar historinë e klubeve.
"Në vend që ta emërohen stadiumin sipas atyre që kanë bërë historinë e klubit, ia japin emrin atij që paguan më shumë. Imagjinoni sa të lumtur do të jenë tifozët! Do të më kishte pëlqyer jashtëzakonisht shumë sikur stadiumi i ri të mbante emrin tim dhe të mikut tim, Sandro Mazzola", u shpreh legjenda italiane.
Një deklaratë e fortë nga Rivera, i cili rikthen në vëmendje debatin mes traditës dhe biznesit në futbollin modern, ndërsa "San Siro" mbetet një nga simbolet më të madha të historisë së sportit të Milanos.