Përparim Rama pyetet si i pandehur nga Prokuroria Speciale për Projektin "Arkitekti i Kryeqytetit"

Kryetari i Komunës së Prishtinës, Përparim Rama, është pyetur si i pandehur nga Prokuroria Speciale e Kosovës për Projektin "Arkitekti i Kryeqytetit". Ai akuzohet për keqpërdorimin e pozitës apo autoritetit zyrtar për kontratën e 12 milionë eurosh.

Rama ka deklaruar se është i gatshëm të bashkëpunojë me organet e drejtësisë dhe se i takon Prokurorisë të verifikojë nëse gjatë realizimit të projektit ka pasur veprime në kundërshtim me ligjin.

Komuna e Prishtinës dyshohet se ka pranuar një garanci financiare dhjetë herë më pak se shuma e parash që kërkon ligji për kontratën e projektit "Arkitekti i Kryeqytetit". Për këto kontrata janë raportuar edhe probleme të tjera, si dhe lidhje të mëparshme biznesi mes njërit prej pronarëve të kompanive fituese dhe kryetarit Përparim Rama.

Në qershor të vitit 2024, u raportua nga mediat e Kosovës se Komuna e Prishtinës kishte shkelur Ligjin e Prokurimit Publik gjatë dhënies së kontratës 12 milionë euro për projektin "Arkitekti i Kryeqytetit".

Sipas raportimit, dy kompanive që fituan kontratën, "Anarch" dhe "Ardi Ç", kishin paraqitur një garanci financiare prej vetëm 12 mijë eurosh, ndonëse ligji kërkonte që ajo të ishte të paktën 120 mijë euro.

Kjo garanci është një shumë parash që kompanitë duhet ta sigurojnë gjatë pjesëmarrjes në tender, kur kërkohej nga institucioni që shpall tenderin. Ajo shërben për të mbrojtur institucionin në rast se kompania fituese të rrihet ose nuk respekton detyrimet gjatë procesit të tenderimit. Ligji përcakton se kjo garanci duhet të jetë të paktën 1 për qind e vlerës së kontratës. Pra, për një kontratë prej 12 milionë eurosh, garancia minimale duhej të ishte 120 mijë euro.

Megjithatë, Komuna e Prishtinës kishte kërkuar dhe pranuar vetëm 12 mijë euro, ose dhjetë herë më pak se shuma e parash që kërkon ligji. Komisioni Rregullativ i Prokurimit Publik kishte konfirmuar se ligji nuk lejon që kjo garanci të jetë më e ulët se 1 për qind e vlerës së kontratës.

Parregullsi ishin raportuar edhe me një garanci tjetër financiare, e cila duhej të mbronte Komunën në rast se kompanitë fituese nuk e zbatonin kontratën.

Për shkak të mënyrës se si ishte hartuar dokumenti i kësaj garancie, Komuna e Prishtinës rrezikonte të mos përfitonte 1.2 milionë euro në rast se kompanitë nuk përmbushnin detyrimet e tyre. Me fjalë të tjera, edhe pse kjo garanci duhej të i siguronte Komunës mbrojtje financiare në rast të moszbatimit të kontratës, dokumenti i pranuar mund ta pengonte atë të merrte paratë.

Për këto kontrata ishin ngritur pyetje edhe për shkak të lidhjeve të mëparshme të biznesit mes njërit prej pronarëve të kompanive fituese dhe kryetarit Përparim Rama.

Në maj të vitit 2024, media kosovare "KOHA" raportoi se Astrit Nixha, pronar i njërit prej kompanive që fitoi kontratën 12 milionë euro, kishte bashkëpunuar më parë me një biznes të Përparim Rama. Megjithatë, vetëm fakti që palët kanë pasur marrëdhënie të mëparshme biznesi nuk dëshmon se kontrata është dhënë në mënyrë të paligjshme.

Deri tani, nga informacionet e bërë publike, nuk është e qartë nëse hetimet e Prokurorisë Speciale përfshijnë të gjitha këto çështje apo vetëm disa prej tyre.

Media që s’e dorëzon pavarësine e saj, i paraprinë një qeverisje të ndershme. Pamfleti është një.