Ambasada e SHBA-së paralajmëron për rrezikun e përshkallëzimit të demonstratave në Tiranë

Ambasada e Shteteve të Bashkuara në Tiranë ka reaguar përmes një njoftimi zyrtar lidhur me protestat e vazhdueshme në vend. Ajo thekson se disa prej demonstratave janë shndërruar në trazira, me përdorimin e mjeteve ndezëse, hedhjen e gurëve dhe dëmtimin e pronës. Gjithashtu, u bën thirrje qytetarëve të tregojnë kujdes, të shmangin zonat e protestave dhe të ndjekin udhëzimet e autoriteteve lokale. Demonstratat vazhdojnë në qendër të qytetit të Tiranës dhe përreth ndërtesave qeveritare. Disa demonstrata janë shndërruar në trazira të dhunshme, me mjete ndezëse, gurë të hedhur dhe dëmtime pronash. Demonstrata të tjera mund të ndodhin në ditët në vijim dhe mund të ndodhin në qytete jashtë Tiranës. Demonstratat mund të përhapen në rrugët përreth, duke sjellë më shumë policë, ndërprerje të trafikut, devijime dhe mbyllje rrugësh. Kushdo që ndodhet në ose afër një zone demonstrate mund të ekspozohet ndaj gazit lotsjellës, fishekzjarrëve të hedhur horizontalisht, pajisjeve ndezëse dhe topave/predhave prej gome. Ambasada e SHBA-së në Tiranë ka këshilluar personelin të shmangë të gjitha zonat e demonstratës.