Italia në protestë, sindikatat flasin për një milion demonstrues dhe rrugë të bllokuara
Demonstruesit në më shumë se 60 qytete të Italisë u nisën në protestë kundër kostos së jetesës dhe shpenzimeve ushtarake, duke mobilizuar më shumë se një milion persona.
Italia u përballa me një grevë të përgjithshme më pjesëmarrjen e më shumë se një milion persona, që u mobilizuan në më shumë se 60 qytete për të protestuar kundër kostos së jetesës dhe shpenzimeve ushtarake. Sindikata USB deklaroi se më shumë se një milion persona morën pjesë në protestat, por autoritetet nuk kanë konfirmuar këtë shifër.
Demonstruesit kundërshtuan rritjen e kostos së jetesës, pagat e ulëta dhe politikat e qeverisë së kryeministres Giorgia Meloni për shpenzimet ushtarake. Protestuesit kërkuajnë më shumë fonde për arsimin, shëndetësinë dhe strehimin.
Në Bolonjë, organizatorët raportuan rreth 50 mijë pjesëmarrës, ndërsa në Torino, organizatorët deklaruan pjesëmarrjen e mbi 50 mijë personave. Në Napoli, sindikata USB raportoi rreth 20 mijë demonstrues që synuan të bllokonin hyrjet e autostradave.
Situata u tensionua edhe në Vicenza, ku policia përdori autobotë me ujë për të penguar protestuesit të hynin në unazën perëndimore. Organizatorët raportuan tre të plagosur gjatë përpleshave. Në Mestre, një studiues i Universitetit të Padovës deklaroi se policia përdori shkopinj gome kundër demonstruesve që marshonin me duart lart.
Në Romë, protestuesit njoftuan synimin për të qëndruar deri në diel në rrugën Via dei Fori Imperiali, pranë Koloseut. Një incident i vëçantë, rreth 50 persona me fytyrën e mbuluara u vunë flakën disa koshave të mbeturinave dhe hodhën shishe në drejtim të policisë.
Edhe Milano regjistroi demonstrata të medha. Studentët dhe punëtorët bashkuan marshimet e tyre dhe u drejtuan drejt unazës lindore të qytetit. Gjatë protestës, disa pjesëmarrës grisën postera elektoralë të partisë Lega.
Grevë u shtri edhe në sektorin portual. Sipas raportimit, punonjës të më shumë se 100 porteve në 17 vende u bashkuan mobilizimit ndërkombëtar kundër transportit të armëve.
Ministri italian i Brendshëm, Matteo Piantedosi, pranoi ekzistencën e shqetësimeve për sigurinë, por shprehu besim te aftësia e autoriteteve për të menaxhuar demonstratat.
Ndërkohë, sindikata USB nisi mbledhjen e fondeve për të mbuluar gjobat e mundshme të punonjësve të transportit që morën pjesë në grevë, pavarësisht kufizimeve të vendosura nga ministri Matteo Salvini.