Protesta masive në Itali: "Mbyllni gjithçka"
Protesta masive në Itali, organizuar nga sindikata bazë USB, kundër rritjes së kostos së jetesës dhe riarmatimit në Evropë, ka sjellë ndërprerje dhe kufizime në transport dhe shërbimet në disa sektorë.
Talia është përfshirë ditën e sotme në disa protesta masive në dhjetëra qytete në një mobilizim të organizuar nga sindikata bazë USB kundër rritjes së kostos së jetesës dhe riarmatimit në Evropë. Protesta është organizuar nën sloganin "Mbyllni gjithçka", dhe ka bashkuar punëtorë, studentë, pensionistë dhe aktivistë për të drejtat e strehimit dhe punonjës të porteve.
Greva ka sjellë gjithashtu ndërprerje dhe kufizime në transport, me shërbimet në disa sektorë që funksionojnë vetëm pjesërisht. Autoritetet italiane kanë rritur masat e sigurisë, pas episodeve të dhunës të regjistruara së fundmi në Milano. Ministria e Brendshme është në gatishmëri për shkak të frikës nga infiltrimi i grupeve të dhunshme në marshime dhe mundësisë së përshtatjes së situatës gjatë fundjavës.
Ministri i Brendshëm, Matteo Piantedosi, ka cilësuar zhvillimet e pritshme si problematike dhe ka paralajmëruar për rrezikun e aktivizimit të grupeve që mund të shkaktojnë trazira. "Ka alarme, sepse ekziston kjo mënyrë shumë tinëzare e aktivizimit të sheshave, por asgjë tjetër nga ajo me të cilën jemi marrë deri më tani", deklaroi Piantedosi të enjten.
Në këtë kuadër, policia pritet të shtojë kontrollet dhe të kryejë, në rast nevoje, ndalime parandaluese, të parashikuara nga dekreti i fundit i sigurisë.