Papa Leoni XIV: "Makinat janë mjete, jo njerëz"
Papa Leoni XIV ka paralajmëruar për rrezikun që teknologjia të vendoset mbi njeriun, duke theksuar se individët nuk duhet të reduktohen në të dhëna dhe se vendime të caktuara nuk mund t'u besohen makinave.
Gjatë një takimi në Vatikan mbi të ardhmen e inteligjencës artificiale, Papa Leoni XIV ka bërë thirrje për vendosjen e rregullave dhe institucioneve të qarta etike për zhvillimin e inteligjencës artificiale. Ai ka theksuar se kjo teknologji duhet të shërbejë njerëzimit dhe të mirës së përbashkët.
Papa Leoni XIV ka paralajmëruar për rrezikun që teknologjia të vendoset mbi njeriun, duke theksuar se individët nuk duhet të reduktohen në të dhëna dhe se vendime të caktuara nuk mund t'u besohen makinave. Ai ka deklaruar se "E ardhmja e inteligjencës artificiale nuk është e paracaktuar; makinat janë mjete, jo njerëz; vendime të caktuara nuk mund të delegohen kurrë; teknologjitë inteligjente duhet të drejtohen drejt të mirës së përbashkët".
Papa Leoni XIV ka nenvizoi se institucionet kanë një rol thelbësor në zbatimin e parimeve etike që duhet të orientojnë zhvillimin e kësaj teknologjie. Ai ka pranuar gjithashtu shqetësimet që ekzistojnë lidhur me ritmin dhe drejtimin e zhvillimit të inteligjencës artificiale, duke theksuar se pavarësisht nga ndërgjegjësimi për sfidat, nuk po bëhet mjaftueshëm për të ecur përpara.
Sipas Papës, meqë inteligjenca artificiale është krijuar nga qeniet njerëzore, edhe e ardhmja e saj varet nga zgjedhjet që bëhen nga njerëzit. Për këto arsye, ai ka theksuar se shoqëria ka përgjegjësinë ta drejtojë këtë teknologji, ta ndryshojë dhe, kur është e nevojshme, ta refuzojë përdorime të caktuara të saj.