Meta arrin marrëveshje me një tjetër adoleshente për padinën për varësinë nga Instagram dhe Facebook

Meta Platforms, kompania e Instagram dhe Facebook, ka arritur një marrëveshje jashtë gjykatës me një 18-vjeçare që e kishte paditur kompaninë për varësinë dhe çrregullime të shëndetit mendor dhe të të ngrënit. Kjo është marrëveshja e dytë e arritur nga Meta brenda një jave, pasi kompania kishte zgjidhur më parë edhe çështjen me një tjetër paditëse, 16-vjeçaren SJ.

Avokatja e 18-vjeçares, Emily Jeffcott, deklaroi se mbeten të përkushtuar për rritjen e sigurisë së fëmijëve në platformat e mediave sociale dhe për të mbajtur kompanitë e teknologjisë përgjegjëse për ndikimin që kanë te të rinjtë. Dy vajzat, SJ nga Illinois dhe KDB nga Misisipi, pretendojnë se kanë nisur të përdorin YouTube që në moshën 3-vjeçare, ndërsa rreth moshës 9-vjeçare kanë filluar të përdorin edhe platforma të tjera sociale.

Kompanitë e përfshira i kanë mohuar akuzat, duke argumentuar se platformat e tyre nuk janë projektuar për të krijuar varësi te të rinjtë dhe se kanë ndërmarrë masa për të garantuar një mjedis më të sigurt për përdoruesit e mitur. Çështja është pjesë e një serie padish të ngritura në SHBA kundër kompanive të mëdha të teknologjisë.