Bill Gates: Katër profesionet që mund të rezistojnë inteligjencës artificiale

Zhvillimi i shpejtë i inteligjencës artificiale (AI) po ndryshon mënyrën se si funksionon tregu i punës dhe po ngre pyetje për të ardhmen e shumë profesioneve. Sipas Bill Gates, bashkëthemeluesit të gjigantit teknologjik Microsoft, kompjuterët do të jenë në gjendje të kryejnë gjithnjë e më shumë detyra që aktualisht kërkojnë ndërhyrjen e njeriut.

Megjithatë, Gates vlerëson se katër fusha kanë mundësi të më të madhe për të rezistuar automatizimit: programimi, biologjia, sektori i energjisë dhe sporti profesionist. Ai ka folur vazhdimisht për ndikimin që inteligjenca artificiale mund të ketë në punësim, duke theksuar se aftësia e teknologjisë për të kryer një detyrë nuk do të thotë domosdoshmërisht se njerëzit do të deshirojnë t’i delegojnë atë plotësisht makinerive.

Gjatë një interviste në emisionin amerikan The Tonight Show Starring Jimmy Fallon, Gates solli si shembull sportin. “Ne nuk do të deshirojmë që kompjuterët të luajnë bejsboll”, deklaroi ai, duke argumentuar se një pjesë e renditjes së sportit profesionist lidhet me interesin e publikut për të ndjekur aftësitë dhe arritjet njerëzore.

Gates parashikon se përmirimi teknologjik mund të zvogëlojë nevojën për punë njerëzore në shumë sektore të ekonomisë. Sipas tij, automatizimi mund ta bëjë gjithnjë e më lehtë prodhimin industrial, transportin dhe kultivimin e produkteve bujqësore.

Ai ka shprehur gjithashtu pikëpamjen se në të ardhmen njerëzit mund të mos jenë më të nevojshëm për kryerjen e shumicës së detyrave. Megjithatë, Gates thekson se shoqëria do të duhet të vendosë se cilat aktivitete deshirojnë të ruajnë si përgjegjësi dhe përvojë njerëzore.

Kjo qasje e zhvendos diskutimin përtej aftësive teknologjike, duke ngritur një çështje më të gjerë: cilat punë do të zgjedhin njerëzit të vazhdojnë të kryejnë vetë, edhe kur makineritë janë në gjendje të realizojnë ato?