Aurela Gaçe: Të rinjtë nuk shohin të ardhme në Shqipëri, duhet të ngrenë zërin për të drejtat e tyre

Aurela Gaçe ka folur për protestat e fundit në Shqipëri dhe për nevojën që qytetarët të ngrenë zërin për të drejtat e tyre. Ajo ka thënë se ka qenë e pranishme në protesta që nga fillimi dhe se pjesëmarrja e saj nuk ka qenë me qëllim politik, por me bindjen se qytetarët duhet të kenë të drejtën të shprehin pakënaqësitë e tyre.

"Kam qenë në shesh përditë", tha këngëtarja. "Vajzat e mia i këshilloj të mos reshtin të kërkuari çfarë meritojnë dhe të mos kenë frikë. Edhe ne kemi frikë ndonjëherë. Kam qenë e pranishme në protestë që në fillim, vetëm se kam një gjë që nuk bën foto. Unë protestoj për çdo gjë që më shikon syri."

Aurela Gaçe ka theksuar se pjesëmarrja e saj në protesta nuk ka pasur qëllim politik, por lidhet me bindjen se qytetarët duhet të kenë të drejtën të shprehin pakënaqësitë e tyre. "Kam ndjesinë e mia për të shprehur. Kur ti merr një krah, gjysma do të të urrejë, nuk do të kesh një mes. Nuk kam dalë në protestë për të marrë krah. Unë jam me mendimin që ky vend ka të drejtën të ngrejë zërin", tha ajo.

Në fund, Aurela Gaçe ka ngritur shqetësimin për perspektivën e të rinjve në Shqipëri, duke kërkuar më shumë mundësi dhe një të ardhme më të sigurt për brezat e rinj. "Dua të drejtën e fëmijëve të mi dhe të rinjve që nuk shohin të ardhme këtu. Këta nuk e luajnë topin. Shoh një rinë që ndjen se në këtë vend nuk ka të ardhme. Ky shtet, a duhet të t'u ndërtojë këta?" tha Aurela Gaçe.