Kanada dhe BE njoftojnë krijimin e një aleance strategjike për të thelluar bashkëpunimin ekonomik dhe tregtar

Marrëveshja u bë publike gjatë samitit dyditor Kanada-BE, të zhvilluar në Montreal, ku morën pjesë kryeministri kanadez Mark Carney, presidentja e Komisionit Europian Ursula von der Leyen dhe presidenti i Këshillit Europian António Costa. Aleanca synon krijimin e një tregu të më të integruar, lehtësimin e tregtisë dhe udhëtimin, si dhe zgjerimin e mundësive për arsimim dhe punësim mes qytetarëve të Kanadës dhe vendeve europiane. Një nga objektivat kryesore është ulja e varësisë nga teknologjia dhe furnizuesit e mbrojtjes amerikanë, përmes zhvillimit të kapaciteteve të përbashkëta dhe diversifikimit të zinxhirëve të furnizimit. Kanada dhe BE synojnë të thellojnë bashkëpunimin në inteligjenca artificiale, energji, mbrojtje dhe furnizimin me minerale kritike. Gjithashtu, studiuesit kanadezë do të kenë akses në rrjetin europian të superkompjuterëve, ndërsa palët kanë përfunduar negociatat për një marrëveshje të re mbi tregtinë digitale. Një tjetër zhvillim i rëndësishëm është mundësia që Kanada të marrë statusin e anëtarit të asociuar të Bashkimit Europian, duke u bërë partneri i parë me këtë status. Detajet mbi përbajtjen dhe shtrirjen e këtij anëtarësimi do të përcaktohen gjatë muajve të ardhshëm. Kryeministri kanadez Mark Carney dhe drejtuesit europianë e kanë cilësuar këtë bashkëpunim si një hap drejt forcimit të sovranitetit ekonomik, sigurisë dhe qëndrueshmërisë përballë sfidave globale. Megjithatë, nisma ka shkaktuar edhe debate brenda Kanadasë. Kryeministri i Kebekut, Paul St-Pierre Plamondon, bojkotoi samitin, duke kritikuar mënyrën se si qeveria federale kishte trajtuar rolin e provincës në këtë proces.