Pacolli: Dëmtuesit e projektit të aeroportit të Vlorës do të vënë para përgjegjësisë

Biznesmeni Behgjet Pacolli ka bërë një postim në rrjetet sociale lidhur me çështjen e aeroportit të Vlorës. Ai shkruan se grupe të ndihmuara nga persona të fshehur pas autoritetit dhe forcat e shtetit kanë punuar kundër ndërtimit të aeroportit të Vlorës. Pacolli thekson se drejtësia do të vërë para përgjegjësisë përgjegjësit e dëmtimit të këtij projekti, duke filluar nga autorët e tentativave të tjetërsimit të kuotave në prill të vitit 2025, deri te të gjithë ata që kanë ndërmarrë, mbështetur apo mundësuar veprime shkatërruese dhe kundër-ligjshme ndaj aeroportit. Ai shton se dyshimet për përfshirje në këto veprime dëmtuese shtrihen edhe tek ish-administratorët e VIA-s, Vegim Hoxha dhe Bujar Ejupi. Pacolli thekson se askush nuk duhet të jetë mbi ligjin dhe askush nuk duhet të fshihet pas pushtetit për të shmangur përgjegjësinë.