VIDEO/ Rama fton sërish protestuesit për dialog, 'sofra e gurtë' vendoset para Kryeministrisë

Kryeministri Edi Rama ka bërë sërish thirrje për dialog me studentët, duke vendosur një tryezë të gurtë para sheshit të Kryeministrisë me fletë me mbishkrimin "DIALOG". Megjithatë, studentët kanë refuzuar vazhdimisht ftesën e Ramës për dialog dhe kanë kërkuar dorëheqjen menjëherë.

Rama ka shkruar në një post në social media "Mirëmëngjes", duke iu drejtuar studentëve. Ndërkohë, studentët do të zhvillojnë sot një protestë kombëtare, e paralajmëruar për orën 12:00, në vijim të kundërshtimit të tyre ndaj qeverisë dhe kërkesave për ndryshim. Protestat studentore kanë qenë shoqëruar me revolta të ashpra dhe nuk ishte një shpërthim i rastësishëm. Ajo erdhi si rezultat i një pakënaqësie të akumuluar prej kohësh nga të rinjtë, që kanë protestuar për kohë të gjatë, por zëri i tyre me protesta paqësore nuk u dëgjua. Diskutimet për tarifat e studimit, cilësinë e mësimdhënies dhe kushtet në konvikte kanë qenë në qendër të ankesave për kohë të gjatë, por si duket qeveria nuk mendonte se kjo do shpërthente në një lëvizje masive dhe këmbëngulëse.