Studentët protestojnë kundër qeverisë Rama, me kërkesë për largimin e kryeministrit

Studentët kanë njoftuar sot në orën 12:00, protestën e radhës kombëtare kundër qeverisë së kryeministrit Edi Rama. Të rinjtë do të protestojnë fillimisht para ministrisë së Arsimit dhe më pas do të marshojnë drejt Kryeministrisë. Në mbështetje të studentëve pritet të jenë edhe pedagogët, të cilët prej disa ditësh kanë bojkotuar procesin mësimor. Po ashtu, në shesh pritet të rikthehen edhe demokratët, në shenjë solidariteti me protestën studentore. Në thirrjet e tyre, studentët kanë artikuluar si kërkesë kryesore largimin e kryeministrit Edi Rama, të cilin e konsiderojnë si të panegociueshëm. Kryeministri ka kërkuar dialog, por të rinjtë kanë refuzuar. Protestat studentore, të cilat janë shoqëruar me revolta të ashpra, nuk ishte një shpërthim i rastëshëm. Ajo erdhi si rezultat i një pakënaqësie të akumuluar prej kohësh nga të rinjtë, që kanë protestuar prej kohësh, por zëri i tyre me protesta paqësore nuk u dëgjua. Diskutimet për tarifat e studimit, cilësinë e mësimdhënies dhe kushtet nëpër konvikte kanë qenë në qendër të ankesave, por siç duket qeveria nuk mendonte se kjo do shpërthente në një lëvizje masive dhe këmbëngulëse. Dita e pare e protestës nisi me modesti, në dukje si një grumbullim i zakonshëm. Një grup i vogël studentësh, të lodhur nga premtimet e pambajtura dhe nga "mbyllja e veshëve" nga institucionet, u mblodhën te Ministria e Arsimit. Me thirrje dhe pankarta të improvizuara, ata shprehën indignjen e tyre. Por ajo që filloi si një zë i vetmuar, shpejt gjeti jehonë. Lajmi u përhap shpejt në rrjetet sociale, duke frymëzuar qindra të tjerë të bashkoheshin. Brenda disa orësh, numri i protestuesve u rrit ndjeshëm, duke bllokuar qarkullimin në rrugën kryesore dhe duke "shpërthyer" në protesta me revolta të mëdha. Të revoltuar, studentët nisën t'i vinin flakën institucioneve shtetërore dhe bankave. Ndërkohë, që tubimet vijonin ato nuk e kanë ndaluar në asnjë moment thirrjen "Rama jepe dorëheqjen".