38-vjeçari nga Manza, arrestohet pas 4 vitesh për dhunën e bashkëshortes së tij për vdekje
38-vjeçari nga Manza, i akuzuar për dhunën e bashkëshortes së tij për vdekje, është arrestuar pas 4 vitesh, pasi u deportua nga autoritetet greke.
Një 38-vjeçar, i akuzuar për dhunimin për vdekje të bashkëshortes së tij, është arrestuar në Durrës, pasi u deportua nga autoritetet greke. Ngjarja e rendë ka ndodhur më 18 mars të vitit 2022, kur 38-vjeçari dyshohet se ka ushtruar dhunë fizike ndaj bashkëshortes së tij, duke i shkaktuar demtime të renda. Gruaja nuk arriti t'u mbijetonte plagëve dhe ndërroi jetën 10 ditësh pas ngjarjes.
Gjykata e Durrësit, më 31 mars 2022, caktoi ndaj tij masën e sigurisë "Arrest në burg", ndërsa 38-vjeçari ishte shpallur në kërkim. Kapja e tij u bë e mundur pas deportimit nga Greqia, duke i dhënë fund periudhës gjatë se cilës i dyshuari i ishte shmangur autoriteteve shqiptare.
Pas arrestimit, materialet procedurale i janë referuar Prokurorisë së Durrësit për vijimin e veprimeve ligjore. "Dhunoi fizikisht me pasojë vdekjen, bashkëshorten e tij, në vitin 2022, vihet në prangë 38-vjeçari", njofton policia.