UEFA jep sanksionin ndaj sulmuesit të Juventusit për fyerjet ndaj arbitrit
Francisco Conceiçao, sulmuesi i Juventusit, u dënua me 3 ndeshje pezullim nga UEFA pas fyerjeve ndaj arbitrit gjatë një ndeshjeje të kombëtares portugeze.
Sulmuesi portugez i Juventusit, Francisco Conceiçao, u dënua me 3 ndeshje pezullim nga Komisioni i Disiplinës dhe Etikës i UEFA pas një incidenti që ndodhi gjatë një ndeshjeje të kombëtares portugeze. Conceiçao u ndëshkua me karton të kuq në minutën e 86 të ndeshjes pasi u ndëshkua me dy kartonë të verdhë për protesta. Sanksioni i UEFA ka të bëjë më shumë me sjelljen e futbollistit kundrejt arbitrit, në raportin e të cilit flitej për fyerje dhe gjuhë fyese.
Tensioni vijoi edhe pas ndëshkimit me karton të kuq, kur Conceiçao, teksa po linte fushën e lojës për të shkuar në dhomat e zhveshjes, pati një debat me arbitrin e katërt. Futbollisti i Juventusit më pas u largua falë ndërhyrjes së disa prej anëtarëve të stafit të kombëtares portugeze.
Sanksioni do të detyrojë Conceiçao që të mos luajë në dy ndeshjet e fundit të Nations League ndaj Danimarkës në 14 nëntor në Braga dhe Uellsit në 17 nëntor në Cardiff. Portugalia e ka siguruar tashmë kualifikimin në çerekfinale të Nations League, por sulmuesi do të duhet të mungojë edhe në ndeshjen e vajtjes me eliminim direkt e parashikuar të luhet në mars. Gjithsesi, Federata Portugeze e Futbollit ka mundësinë që të apelojë këtë vendim të UEFA.
Ndërkohë, ndëshkimi i Conceiçaos përbën një lajm të mirë për Juventusin pasi sulmuesi do të qëndrojë në Torino gjatë pauzës për ndeshjet e kombëtareve të muajit për t’u rikuperuar formën e tij më të mirë pas periudhës së kaluar jashtë fushave për shkak të dëmtimit në shpatull.