Veliaj reagon për protestat dhe zbulon çfarë u diskutua në takimin me Toni Gogun

Kryebashkiaku i Tiranës, Erion Veliaj, ka reaguar duke publikuar një letër të shkruar me dorë, ku tregon versionin e tij për takimin me Toni Gogun, ndërsa i drejtohet edhe kryeministrit Edi Rama. Në reagimin e tij, Veliaj mohon se ka organizuar apo financuar protestat dhe i kërkon Ramës të paraqesë prova për këto pretendime.

“Dua të siguroj socialistët se unë nuk e gjuaj shtëpinë time socialiste me gurë, por as nuk lejoj të gjuajë me gurë askush mbi dinjitetin tim. Unë vërtet kam më pak liri sesa Kryeministri, por kam shumë herë më tepër dinjitet se ai”, shkruan Veliaj.

Më tej, ai deklaron se letra e shkruar me dorë përmban atë që, sipas tij, ka ndodhur gjatë takimit me Toni Gogun.

Dua të siguroj socialistët se unë nuk e gjuaj shtëpinë time socialiste me gurë, por as nuk lejoj të gjuajë me gurë askush mbi dinjitetin tim. Unë vërtet kam më pak liri sesa Kryeministri, por kam shumë herë më tepër dinjitet se ai. Refuzoj haluçinacionet bolshevike që unë kam organizuar ose financuar protestat dhe e gjithë e vërteta e takimit me ministrin e Drejtësisë, Toni Gogu, është kjo letër e shkruar me dorën time. Sfidoj Kryeministrin e vendit të nxjerrë një provë të vetme për aludimet e protestave.

Toni Gogu vjen në takim pas 20 muajsh. TG: R ka bërë transferimin, urdhër që ky nga konvikt duhet të bëjë burg tamam dhe që personalisht është marrë dhe me lejen për spital, lezet për takime, deri te aksesi tek miqtë e familja. R ka bypass TG dhe ka urdhëruar vetë transferimin e izolimin me këto 3 kërkesa: – Prano përfshirjen me Flamingot – Studentët ose do të shtohen akuzat për “prishje të rendit kushtetues” nga burgu e do bësh 100 vjet burg në 313 e 302. – Hiq dorë nga bashkia TR dhe delegoje (te Arbër Hajdari). – Mos u këshillo më me Plarent Ndrecën.