Galatasaray-Stuttgart, një mesazh i forti për Gazën

Futbolli kalon në plan të dytë në tribuna. Tifozët turq shfaqin mesazhe në mbështetje të popullit palestinez gjatë sfidës ndaj Stuttgartit. Tifozët e Galatasarayt kanë përcjellë një mesazh në mbështetje të Gazës gjatë ndeshjes kundër Stuttgartit, duke shpalosur disa pankarta me përmbajtje politike dhe humanitare në shkallët e stadiumit.

Mesazhet e shfaqura në tribuna kanë tërhequr vëmendjen, pasi përmes tyre tifozët turq kanë shprehur solidaritetin me popullsinë në Gaza dhe kanë përcjellë thirrje për liri dhe ndërgjegjësim njerëzor. Në pankartat e shpalosura në stadium shkruhej: “Nëse Jerusalemi nuk është i lirë, bota është e robëruar.” “Le të bashkohet njerëzimi, të marrë fund sionizmi.” “Njerëzimi e humbi ndërgjegjen në Gaza.” Përmes këtyre parullave, tifozët e Galatasarayt e kanë kthyer tribunën në një hapësirë për të përcjellë mesazhin e tyre për atë që po ndodh në Gaza.