Biznesmeni shqiptar humb jetën në Itali, ra nën porte metalike

Një tragjedi e rëndë ndodhi në Itali, ku një biznesmeni shqiptar, 61-vjeçar, ka humbur jetën pas një aksidenti në vendin e punës. Bashkim Rushani, pronar i një kompanie ndërtimi, mbeti i bllokuar poshtë një porte rrëshqitëse metalike që u rrëzua papritur mbi të. Ekipet e emergjencës mbërritën menjëherë në vend, por nuk mundën të shpëtonin jetën e tij. Mjekët konstatuan vdekjen e tij në vend. Autoritetet po hetojnë rrethanat e ngjarjes dhe po përcaktojnë shkaqet që çuan në rrëzimin e portës dhe aksidentin fatal.