Stavro Pilo shënon edhe kundër Real Madridit në Champions League

Stavro Pilo po kalon një moment fantastik në UEFA Champions League, ku po vazhdon të lërë gjurmë me fanellën e AEK-ut. Mbrojtësi shqiptar ka gjetur sërish rrugën e rrjetës, këtë herë ndaj gjigantëve të Real Madridit. Në minutën e 75-të të takimit, Pilo arriti të dërgonte topin në rrjetë, duke i dhënë përkohësisht avantazhin 2-1 skuadrës greke. Megjithatë, vetëm tre minuta më vonë, Kylian Mbappe barazoi shifrat për madrilenët. Goli ndaj Real Madridit vjen vetëm pak javë pasi mbrojtësi i Kombëtares shqiptare kishte shënuar edhe ndaj Manchester City-t, në transfertën e zhvilluar në Etihad Stadium.