Alarm për bombë në fluturimin Dublin-Romë, avioni bën ulje emergjente në Francë
Avioni i fluturimit EI402 i Aer Lingus, që fluturonte nga Dublini në Romë, u devijua në bazën ajrore Évreux në Fauville të Francës, pas një alarmi për kërcënim me bombë.
Një avion pasagjerësh Aer Lingus Airbus A320, që fluturonte nga Dublini në Romë, u devijua në bazën ajrore Évreux në Fauville të Francës, pas një alarmi për kërcënim me bombë. Zyra e kryeministrit francez tha se situata po monitorohej nga afër për avionin, i cili u devijua për shkak të kërcënimit. “Po e monitorojmë nga afër situatën në lidhje me avionin e devijuar pas një kërcënimi me bombë”, tha zyra e kryeministrit francez Sebastien Le Corneille, sipas Reuters.
Avioni i fluturimit EI402 i Air Lingus u nis nga Aeroporti Ndërkombëtar i Dublinit në orën 6:23 të mëngjesit dhe ishte planifikuar të ulej në Aeroportin Fiumicino Leonardo da Vinci të Romës në orën 10:50 të mëngjesit.