31 persona gjobiten për bllokimin e rrugës në Tiranë

31 persona janë gjobitur me 5 mijë lekë secili për bllokimin e rrugës në Tiranë gjatë një proteste. Bllokimi i rrugës u zhvillua pasditen e djeshme në bulevardin "Dëshmorët e Kombit". Në të njëjtin rast, dy persona të tjerë janë proceduar penalisht për mosbindje ndaj urdhrit të policisë për të paraqitur dokumentet e identifikimit. Policia ka shpallur se masat administrative janë vendosur për shkeljen e rregullave gjatë tubimit, pavarësisht thirrjeve të përsëritura të efektivëve për lirimin e rrugës.