Jesus: Ronaldo është një simbol i futbollit portugez dhe një pikë referimi për brezat e rinj

Trajneri Jorge Jesus ka komentuar vendimin e Cristiano Ronaldos për të mos luajtur më për kombëtaren e Portugalisë, duke zbuluar se kishte tentuar ta bindte yllin portugez të mos largohej. Jesus tregoi se kishte biseduar me Ronaldon përpara thirrjes së parë dhe i kishte kërkuar të vazhdonte të ishte pjesë e ekipit kombëtar, pasi kishte nevojë për praninë dhe përvojën e tij.

“Është vendimi i tij. Ne kishim pasur mundësinë të flisnim për këtë para thirrjes së parë. I kërkova të qëndronte, të qëndronte me mua sepse kisha nevojë që ai të ishte pranë meje, por duhet ta pranoj zgjedhjen e tij”, u shpreh Jorge Jesus.

Marrëdhënia mes trajnerit dhe Cristiano Ronaldos nuk kishte kaluar një periudhë të mirë gjatë pushimit të fundit. Sulmuesi portugez, pasi mësoi se ishte parashikuar të qëndronte në stol për ndeshjen e dytë radhazi, u largua nga qendra e grumbullimit dhe u nda nga Jesus.

Megjithatë, trajneri nuk kurseu vlerësimet për karrierën dhe rëndësinë e Ronaldos, duke e cilësuar atë një simbol të futbollit portugez dhe një pikë referimi për brezat e rinj.

“Ai është një pikë referimi globale, një pikë referimi për Portugalinë dhe për ekipin kombëtar. Gjatë viteve, ai i ka dhënë shumë kombëtares. Është një simbol për lojtarët e rinj portugezë. Ai do të jetë gjithmonë një pikë referimi për ekipin tonë kombëtar, për popullin dhe historinë tonë” , përfundoi Jesus.