"Serbia ka shansin e një fillimi të ri" - Marta Kos takim me përfaqësues të "Listës Studentore"

Komisioneri e Zgjerimit e BE-së, Marta Kos, u takua në Bruksel me katër përfaqësues të Listës së Studentëve, kontakti i parë i nivelit të lartë i partisë me BE-në që nga fitorja e saj dërrmuese në Serbi. Takimi u zhvillua në Bruksel tme ftesë të Kos. Përfaqësuesit i thanë Kos se ishin të përqendruar në rivendosjen e sundimit të ligjit dhe demokracisë në Serbi, për hir të Evropës, por kryesisht për popullin e tyre. Lëvizja e studentëve, e lindur nga muaj të tërë protestash, siguroi një shumicë absolute në parlament, duke i dhënë fund sundimit 14-vjeçar të Partisë Progresive Serbe (SNS) të Aleksandar Vuçiç. Për Brukselin, ndryshimi i qeverisë në Beograd ngjall shpresa për një rivendosje të marrëdhënieve me vendin më me ndikim në Ballkanin Perëndimor. Kos e konfirmoi vetë në seancën dëgjimore se ishte takuar me Listën e Studentëve, pikërisht kur Komisioni po finalizonte vlerësimin e tij vjetor të vendeve kandidate. “Kam takuar përfaqësuesit e Listës së Studentëve. Po diskutonim për shumë gjëra. Gjithashtu, se si roli kryesor që ata shohin tani për Serbinë është të bëhet përsëri një vend demokratik. Serbia ka shansin për një fillim të ri. Qeveria e re serbe ka një mundësi për të kthyer faqen, për të forcuar institucionet demokratike dhe të drejtat themelore, dhe për të ndërmarrë hapat e nevojshëm për të avancuar në rrugën e pranimit të Serbisë”, u tha Kos eurodeputetëve në Komitetin e Punëve të Jashtme të mërkurën.