Portugalia parakalon Anglinë në renditjen e UEFA-s, Italia jashtë zonës së artë
Renditja e UEFA-s për sezonin 2023/24 është në vazhdim, dhe Portugalia është parakaluar në vendin e dytë, duke e lënë Anglinë në vendin e parë.
Garat evropiane kanë rifilluar dhe bashkë me to është rikthyer edhe beteja për dy vendet shtesë në Ligën e Kampionëve. Në fund të sezonit, dy kampionatet që do të grumbullojnë më shumë pikë në renditjen e koeficientëve të UEFA-s do të përfitojnë nga një biletë shtesë për edicionin e ardhshëm të kompeticionit më prestigjioz për klube.
Renditja e UEFA-s bazohet në rezultatet e arritura nga klubet e secilit shtet në Champions League, Europa League dhe Conference League. Për çdo fitore jepen 2 pikë, ndërsa për barazimin 1 pikë. Në llogaritje përfshihen edhe pikët bonus që klubet marrin për ecurinë në fazat e ndryshme të kompeticioneve.
Totali i pikëve të grumbulluara nga klubet e një vendi pjesëtohet me numrin e skuadrave që e përfaqësojnë atë në garat evropiane. Në këtë mënyrë përcaktohet koeficienti mesatar i secilit kampionat. Në përfundim të sezonit, dy vendet e para në këtë renditje sigurojnë nga një përfaqësues shtesë në Champions League për sezonin pasardhës.
Pas ndeshjeve të zhvilluara deri më tani, Anglia mban vendin e parë me 9.166 pikë, e ndjekur nga Portugalia dhe Belgjika, që përbëjnë dy surprizat e këtij fillimsezoni. Italia renditet vetëm në vendin e tetë me 7.500 pikë, ndërsa Spanja mban vendin e gjashtë. Megjithatë, diferencat janë të vogla dhe renditja pritet të ndryshojë ndjeshëm në vazhdim të sezonit.