Zelensky i bën thirrje SHBA-së për raketat Patriot: Mos i shtyni dërgesat, Rusia po planifikon sulme të reja

Presidenti ukrainas, Volodymyr Zelensky, ka paralajmëruar për përgatitjen e një sulmi të ri rus ndaj Ukrainës, i cili mund të ketë në shënjestër objektet energjetike, urat mbi lumin Dnieper dhe infrastrukturën tjetër civile. Zelensky tha se Kievi është në dijeni të planeve për një valë të re sulmesh dhe se Forcat Ajrore dhe Forcat e Armatosura të Ukrainës po përgatiten për t’u përballur me kërcënimin. Ai ka përsëritur thirrjen ndaj aleatëve perëndimorë për të përshpejtuar dërgesat e raketave interceptuese për sistemet e mbrojtjes ajrore Patriot, duke theksuar se çdo vonesë mund të ketë pasoja të rënda për sigurinë e vendit. Zelensky ka bërë edhe një apel të drejtpërdrejtë partnerëve ndërkombëtarë që të mos shtyjnë dërgimin e municioneve dhe pajisjeve të nevojshme për mbrojtjen e hapësirës ajrore të Ukrainës. Ai ka thirrur qytetarët të tregojnë kujdes të shtuar dhe të ndjekin udhëzimet e sigurisë, duke pasur parasysh rrezikun e sulmeve të reja me raketa.