Tragjedia në fushë e shkatërroi psikologjikisht, i shokuar, Owono mendon të lërë futbollin

Portieri 25-vjeçar nga Andorra, i cili u përfshi në përplasjen me futbollistin, i cili pësoi një atak kardiak dhe ndërroi jetë në spital një ditë më vonë, po përpiqet të përballojë traumën, ndjenjën e fajit dhe dhimbjen për atë që ndodhi. Federata e Andorrës i ka vënë në dispozicion mbështetje të specializuar psikologjike për ta ndihmuar të përballojë ngjarjen dhe të kuptojë se ajo që ndodhi ishte një aksident, për të cilin ai nuk mund të mbajë përgjegjësi. Specialistët po i tregojnë edhe raste të sportistëve të tjerë që kanë kaluar përvoja të ngjashme traumatike. Megjithatë, rikuperimi nuk është aspak i lehtë. Sipas Mage, pavarësisht përpjekjeve për ta bindur se nuk ka asnjë faj, portieri vazhdon të jetë i tronditur, veçanërisht kur mendon për familjen që la pas sulmuesi spanjoll. Familja e Ovonos ka raportuar se i riu është bërë objekt fyerjesh dhe sulmesh verbale nga persona të komunitetit sportiv ku bën pjesë. Madje, disa prindër kanë shkuar deri aty sa ta mallkojnë për shkak të asaj që ndodhi në fushë. Prania e gazetarëve jashtë banesës së tyre po e rëndon edhe më shumë situatën, duke mos i lënë familjarët të përballojnë në qetësi këtë periudhë zie. Familja e futbollistit të ndjerë humbi një njeri të dashur dhe kjo është një barrë e jashtëzakonshme. Ata do të duhet të jetojnë me atë që ndodhi për gjithë jetën.