Alban Bushi publikon listën e të grumbulluarve të Kombëtares U21 për ndeshjet miqësore

Trajneri i Kombëtares U-21, Alban Bushi, publikoi listën e futbollistëve të grumbulluar për dy ndeshjet miqësore të muajit nëntor ndaj Luksemburgut dhe Spanjës. Këto dy takime janë në kuadër të përgatitjeve të Shqipërisë U-21 për Kampionatin Evropian U-21 EURO 2027.

Kuqezinjtë do të përballen fillimisht me Luksemburgun, më 13 nëntor, në orën 19:00, ndërsa më 17 nëntor do të luajnë ndaj Spanjës, po në orën 19:00. Të dyja ndeshjet do të zhvillohen në stadiumin “Air Albania”. Listën e futbollistëve të grumbulluar e përbëjnë 23 lojtarë, nëntë prej të cilëve aktivizohen në klubet e kampionatit shqiptar, ndërsa pjesa tjetër luan në kampionatet jashtë vendit.