Koleksioneri shpenzon 1.9 milionë dollarë për sendet e Princeshës Diana

Koleksioneri amerikan Renae Plant ka shpenzuar 1.9 milionë dollarë për të mbledhur sendet personale të Princeshës Diana. Plant, e cila është një koleksioneri i madh i sendeve të Princeshës Diana, ka filluar të mbledhë sendet e Diana në vitin 2014, kur një mik i sugjeroi të vizitonte një ankand të organizuar nga shtëpia e ankandeve Julien’s. Në atë kohë, Plant dhe bashkëshorti i saj, Livinio Stuyck, po mendonin të investonin në një restorant picerie në Los Angeles, por një vizitë në ankand ndryshoi planet e tyre dhe shënoi fillimin e një pasioni që do të zgjaste më shumë se një dekadë.

Plant ka mbledhur më shumë se 800 veshje, aksesorë dhe sende personale të Princeshës Diana, duke përfshirë fustanin e nusërisë dhe fustanin e famshëm prej kadifeje që ajo veshi në vitin 1985. Ajo ka përdorur edhe rifinancimin e hipotekës së banesës për të siguruar fondet e nevojshme për blerjet në ankande. Në total, çifti ka shpenzuar rreth 1.9 milionë dollarë gjatë asaj dite ankandi.

Një nga blerjet më të rëndësishme ishte fustani me lule i stilistit Belville Sassoon, i njohur si “Fustani i Kujdesit”, të cilin princesha e vishte gjatë vizitave në spitalet e fëmijëve. Plant e bleu atë për 520 mijë dollarë. Në të njëjtin ankand, ajo siguroi edhe 34 objekte të tjera, përfshirë një kapele me pupla struci, të cilën Diana e kishte mbajtur gjatë muajit të mjaltit. Vetëm për këtë blerje, Plant pagoi 26 mijë dollarë.

Një pjesë e madhe e koleksionit do të prezantohet në ekspozitën “Princesha Diana: Dashuri, Jetë dhe Trashëgimi–Një Jetë Dhurimi”, në Bibliotekën dhe Muzeun Presidencial Ronald Reagan në Kaliforni. Ekspozita synon të rrëfejë jetën e Dianës, nga fëmijëria deri në vdekjen e saj tragjike në vitin 1997. Vizitorët do të kenë mundësi të shohin fustanin e saj të nusërisë, veshje të ndryshme mbrëmjeje, letra personale, veshje nga fëmijëria, magnetofonët ku regjistronte kujtimet e saj zanore dhe objekte të tjera personale.