Messi fiton Këpucën e Artë në MLS për të dytin vit radhazi
Lionel Messi fitoi Këpucën e Artë në Major League Soccer për të dytin vit radhazi, duke u bërë lojtari i parë në historinë e kampionatit amerikan të futbollit që e arrin këtë sukses.
Sulmuesi argjentinas i Inter Miamit, Lionel Messi, vazhdon të shkruajë faqe të historisë në futboll. Ai e mbylli sezonin e rregullt të MLS me 26 gola të shënuar në 31 ndeshje të luajtura, duke u bërë fituesi i Këpucës së Artë për të dytin vit radhazi. Messi ishte edhe fituesi i Këpucës së Artë në vitin e kaluar, kur kishte shënuar 29 gola në 28 ndeshje.
Inter Miami, skuadra e Floridës, u rendit në vendin e dytë në Konferencën e Lindjes të kampionatit me 60 pikë, pas Nashville që vendosi një rekord të ri me 77 pikë të grumbulluara. Tani janë ndeshjet e playoffit të kampionatit amerikan, që do të nisin në 19 nëntor. Inter Miami do të ndeshet në raundin e parë të kësaj faze me Columbus Crew, që e siguroi kualifikimin pasi mposhti Chicago Fire të Robert Lewandowskit.