Mësuesi 35-vjeçar i akuzuar për ngacmim seksual ndaj nxënëseve të mitura në Selenicë
Mësuesi i edukimit fizik në shkollën “Hajredin Beqari” në Selenicë, Albano Ameti, është akuzuar për ngacmim seksual ndaj disa nxënëseve të mitura.
Mësuesi 35-vjeçar Albano Ameti është mbërritur në Gjykatën e Shkallës së Parë të Juridiksionit të Përgjithshëm Vlorë, ku u njoh me masën e sigurisë “detyrim paraqitje”. Ai u akuzua për ngacmim seksual ndaj disa nxënëseve të mitura.
Në dëshmitë e dhëna në polici, vajzat kanë treguar një episod të ndodhur gjatë një ore mësimi në palestër, ku, sipas tyre, mësuesi u kishte drejtuar udhëzime të tilla si: “Drejtoni gjoksin, shpatullat drejt, këmbët bashkuar”. Nxënëset kanë deklaruar se i kanë interpretuar këto komente si ngacmim seksual.
Pretendimet e bëra publike lidhen me fjalët që ai dyshohet se ka përdorur gjatë zhvillimit të orës së fizkulturës në prani të klasës. Në materialin e bërë publik nuk përmenden komunikime private përmes telefonit, mesazhe apo takime individuale mes mësuesit dhe nxënëseve.