Bezzecchi fiton në Katar, Marquez ngjitet në podium por festa e titullit shtyhet
Fituesi i Çmimit të Madh të Katarit në MotoGP është Marco Bezzecchi, piloti italian i Aprilias, që regjistroi fitoren e dytë radhazi dhe të 6 në këtë sezon.
Piloti italian i Aprilias, Marco Bezzecchi, është fituesi i Çmimit të Madh të Katarit në Botërorin e MotoGP. Ai kaloi i pari vijën e finishit në pistën e Losailit duke regjistruar fitoren e dytë radhazi dhe të 6 në këtë sezon. Bezzecchi nisi garën nga pole position dhe dominua totalisht, duke mbajtur vendin e parë nga fillimi deri në fund dhe duke lënë pas në vendin e dytë Marc Marquez me një avantazh prej 3 sekondash. Podiumin e plotësuan pilotët spanjollë Raul Fernandez dhe Marc Marquez. Një garë të mirë bëri edhe Jorge Martin, që u rendit në vendin e shtatë, pavarësisht problemave fizikë që ka. Përpara tij u pozicionuan Ai Ogura në vendin e katërt, i ndjekur nga italiani Bastianini në të pestin dhe Pedro Acosta në të gjashtin. Dhjetëshen më të mirë të garës e plotësuan Di Giannantonio, Zarco dhe Lecuona. Pas Çmimit të Madh të Katarit, Marc Marquez shkon në 431 pikë dhe mund të fitojë titullin e tij të 10 botëror në Portimao në fundjavën e 21-22 nëntorit, ku spanjollit do t’i mjaftojë të fitojë Garën Sprint në ndalesën e parafundit të Botërorit të MotoGP.