"Godzilla Minus Zero" shënon rekordin në SHBA me 31.6 milionë dollarë në fundjavën e parë

Filmi japonez “Godzilla Minus Zero” ka shënuar një debutim historik në kinematë amerikane, duke kryesuar renditjen e të ardhurave me 31.6 milionë dollarë në fundjavën e parë të shfaqjes. Ky rezultat përbën një rekord të ri për premierën më të suksesshme të një filmi në gjuhë të huaj në Amerikën e Veriut.

Ky rezultat është një fitim i madh për prodhuesit e filmit, të cilët kishin shpresuar që filmin të merrte një debutim të mirë në tregun amerikan. Filmi është një vazhdim i suksesshëm i filmit fitues të çmimit Oscar “Godzilla Minus One” (2023), dhe është regjisoruar nga Takashi Yamazaki.

Ngjarjet e filmit zhvillohen në Japoninë e vitit 1949, dy vjet pasi Godzilla besohej se kishte vdekur në fund të oqeanit. Përbindëshi legjendar rikthehet në një moment kur vendi po përpiqet të rimëkëmbet nga pasojat e Luftës së Dytë Botërore, për t’u përballur me një kërcënim të ri, krijesën me tre koka të njohur si Ghidorah.

Në film, Godzilla, i rikthyer në jetë përmes rrezatimit, përballet me kundërshtarin e tij të fuqishëm, i cili shkatërron ndërtesa dhe lëshon rrufe nga goja. Në këtë betejë përfshihen edhe njerëzit, ndërsa Japonia përballet me një tjetër kërcënim shkatërrues.

Suksesin e filmit e ka përshëndetur edhe Koji Ueda, president i kompanisë Toho Global, e cila qëndron pas prodhimit. Sipas tij, rezultatet e arritura tregojnë lidhjen e fortë që publiku në mbarë botën ka me personazhin e Godzillës dhe vizionin e regjisorit Takashi Yamazaki.

Suksesi i filmit nuk është kufizuar vetëm në tregun amerikan. Në Japoni, “Godzilla Minus Zero” arkëtoi 5.75 milionë dollarë vetëm në ditën e parë të shfaqjes, më 3 nëntor, duke vendosur një rekord të ri për debutimin ditor të një filmi me aktorë të drejtpërdrejtë në vend.

Filmi është një pjesë e një serije të filmit të njëjës dhe është konceptuar për t’u shfaqur edhe në formatin IMAX. “Godzilla Minus Zero” u publikua fillimisht ekskluzivisht në këto kinema, një javë përpara se të niste shpërndarja e tij më e gjerë në kinematë ndërkombëtare.